Os dez euros de Amazon

Hai quen se escandaliza destas cousas. Por menos de 10 euros ao mes podes ler todo o que queras. Amazon leva a biblioteca á túa casa por dez euros, porque isto xa estaba inventado, chámase biblioteca pública e había quen aproveitaba eses dez euros nun paseo e un café. A idea non debía de ser mala, xa que unha multinacional decide utilizala. Se nós non o faciamos pode ser que fose porque entre os moitos servizos e bonanzas que nos prometen nunca aparece a creación de bibliotecas. Un pode mirar que prometen campos deportivos para que os mozos non se droguen, como dixo aquel señor da Deputación de Pontevedra, garderías para que as nais poidan conciliar, que xa se sabe que o pai pode deixar os nenós ós avós, pero unha nai non pode abandonar aos fillos sen máis, paseos marítimos nos que pasala tarde do domingo e concertos dos que escoitas na radio a calquera hora, pero en vivo, como se estivesemos en Madrid ou en Miami ou en calquera outro sitio no que se supón que deberiamos estar mellor que aquí.

O primeiro que sacrificamos son a compra de novidades editoriais para as bibliotecas, as axudas á edición de libros que non se poden defender sos, como non poden as touradas ou eses mesmos concertos millionarios de artistas recoñecidos aos que non lles compensa actuar na nosa cidade ou as fábricas de coches ou o negocio de extracción de carbón ou de prestar cartos ás familias e pequenos comerciantes. Claro que o libro non crea traballo e todo o mundo sabe que se les moitos podes acabar ser lavarte e paseando pola cidade cun feixe de cartos no gabán e durmindo nos bancos, falando so e bruando aos coches e ás vellas. Ben está que os nenos lean algo de cando en vez e os adultos aqueles que sexan tan bos que merezan unha película.

E agora Amazon decide que posto que o libro é un produto, máis barato que un zapato italiano ou unha xoia de Swarovski, con menos dereitos que unha carreira de barcos veleiros, fai o que outros xa fixeron co cine ou coa música. Temos a desgraza de contar co suficente talento como para non ser quen de manexalo, o que vai facer que lembremos de cando en vez, como unha mala conciencia á que lle pomos escusas, e nos choque iso de pagar dez euros por todo o que sexas capaz de ler, como o Rodizio brasileiro.

Pero non se preocupen, que no mercado todo pasa e todo entra, esa é a súa esencia. Aproveiten as gangas e desfruten delas na súa casa, en íntimo silencio, polo menos ata que nos traian o mercado á casa.

torrente ballester borges

Anuncios

About Trymar

Editando e sobrevivindo dende o ano 2000

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: