Archivo | Uncategorized RSS for this section

Neira Vilas

A cultura galega ten unha característica que a minoriza gravemente, a súa iconización. Fóra de valorar os poderosos contidos dos que se gabar, temos os galegos a tendencia a quedar coas crúas postais de Castelao antes que coas súas cruces de pedra, de ler a Rosalía co ritmo de Amancio Prada e  non co seu, de idealizar a aldea de Balbino cando estas memorias pretenden todo o contrario.

Estes días que morreu Neira Vilas vivimos un curioso fenómeno, no que as primeiras verbas das memorias de Balbino son repetidas ata o arrepío, como se dun lugar da Mancha se tratara. Neira Vilas morreu vello e cunha obra feliz que será coñecida cando o brillo das memorias do neno labrego pousen un pouco. Mentras tanto temos que este libro, reinvindicatvo máis que revolucionario, é posto de exemplo entre os Manolitos, como se fose unha historia pasada, sen rancores, do que eran antes as cousas. O icono da aldea como lugar idílico, onde o traballo honrado dos balbinos nos converteron a todos en manolitos.

O agro como paraíso onde non hai revolución, senón emigración, como orixe natural dunha Galiza que xa non move os seus muíños con esta auga máis que na lembranza da nenez. As memorias de Balbino como exercicio de san nostalxia e a cultura como elemento homoxeneizador de masas e  non como motor de cambio. Este Balbino non mola.

culture

Entrevista a Pablo Morell

Este domingo apareceu en Vigo Última Hora unha entrevista ó noso xefe, Pablo Morell. Deixámovos o enlace para que a valoredes.VIGOALDIA_LOGO_NUEVO

Colaboración con Arnoia

A EDITORIAL TRYMAR ven de iniciar a súa colaboración coa distribuidora Arnoia. A EDITORIAL TRYMAR comeza a súa colaboración ofertando as obras do noso cociñeiro de referencia, Guillerme Lorenzo, de quen podedes atopar e adquirir a súa obra na súa páxina de referencia. Ademáis tamén ofertamos a obra Galegas ilustres para nenas do século XXI, de Ana Castro. Esta obra á unha recompilación de diferentes biografías de 23 mulleres galegas dende o século XIX ata a actualidade (2013).

Nas vindeiras semanas iremos engadindo títulos ao catálogo de Arnoia. Arnoia Distribución de Libros S.A. é o grupo empresarial galego dedicado á distribución de libros máis importnate do país. Creouse hai máis de vintecinco anos como empresa independente, cunha organización comercial e loxística centralizada na provincia de Pontevedra. A día de hoxe conta con máis de 6.000 clientes, repartidos pola Península Ibérica, Europa e América. Dispón do seu almacén central en PonteCaldelas, cunha superficie de máis de 7.000 m² e delegacións en Asturias, Castela e León e Cataluña. O número de empregados da compañía rolda as 100 persoas, e o seu fondo de distribución supera as 900 editoriais. Por outra banda, a base de datos da distribuidora é de aproximadamente 200.000 referencias.

ImaxeImaxeImaxe

Sete caveiras

Elena Gallego Abad acadou a poularidade grazas á saga de espada e bruxería Dragal, pero evidentemente, é unha autora cun recorrido bastante máis amplo. Mostra disto é a novela Sete Caveiras, que vai ser presentada o vindeiro 7 de febreiro na Casa do Libro de Vigo ás 20:00 horas xunto a César Jiménez, experto en comunicación corporativa.

Fotografía cerámica

Hoxe a partires das 20:30 horas vaise inaugurar unha mostra de varias pezas elaboradas o pasado ano para distintas exposicións en Vigo, Amsterdam e Zaragoza no bar Cosmos (Praza da Princesa 6). Trátase de fotografías reveladas directamente sobre placas cerámicas (aretesanas e industriais), nas que a temática refírese a lugares e elementos da cidade de Vigo, tamén ó Porto de Amsterdam, e unha homenaxe ós 400 anos da existencia dos seus famosos canais.

Estas realizadas seguindo unha antiga técnica de impresión fotográfica, a goma bicromatada sobre cerámica, que é unha técnica de relevado que comenzou a se utilizar no século XIX e que polos seus resultados moi semellantes á tinta china (polo que se lle considera unha ténica de impresión “noble”) e pola súas case infinitas posibilidades fíxose pronto moi popular. 

Pasaia Blues

O próximo venres día 7 vaise presentar na librería Cartabón de Vigo (r/. Urzaiz 1254) a novela Pasaia blues, de Harkaitz Cano e traducido ao galego por Isaac Xubín. Pasaia blues é unha novela negra ambientada nesta peculiar localidade vasca. Pasaia é unha prolongación industrializada de Donostia, chegando o caso de que comparten rúas, pero cunha entidade propia inegable. Desenvolveuse ao redor de dúas localidades situadas unha fronte á outra na ría de Pasaia e converteuse no terceiro porto máis importante de Euskadi cunha poboación eminentemente obreira e cun marcado sentimento de clase que lle levou mesmo a ser mirado con desconfianza polo nacionalismo vasco a principios de século, durante o seu crecemento inicial. A novela editouse por primeira vez en euskera no ano 1999 e xa foi traducida ao castelán e ao alemán.

Harkaitz Cano é un autor novo (na medida na que os autores son novos) cunha importante proxección, as súas obras están marcadas polo realismo e a violencia dosificada pero non adulterada e cun trasfondo político e social que le aportan vitalidade e proximidade á narración. Isaac Xubín ganou o ano 2012 o premio da Asociación Galega de Editores á mellor traducción polo seu traballo na obra Alén da fronteira. Sete poetas vascos.

Hugin e Mugin é unha editorial independente especializada na traducción ao galego.