Tag Archive | Culturgal

Trymar no Culturgal 2016

Finalmente onte ás 18:30 reunímonos Ana Castro Antonio, Eva del Pozo, Teresa Egerique e Gabriel Romero de Ávila no stand do Consello Galego de Cooperativas do Culturgal 2016.

E falamos, por suposto, que a iso iamos. Gabriel lembrou a figura de Emilio Salgari como modelo de creador prolífico e namorado do seu traballo, aventureiro e apaixonado. Teresa falou da importancia dos periodistas como interpretes da realidade e como expoñentes dun estilo literario e vital que vai máis alá do mero exercicio notarial. Eva, como os seus lectores coñecemos ben, amosou o seu gusto pola documentación e pola presentación amena e cercana destes datos enciclopédicos que manexa cunha soltura que precisa de moitas horas de esforzo. E Ana Castro fíxonos ver que a sistematización do esforzo non é nunca sinónimo de repetición ou de rutina, senon o eixe central de calquera exercicio creativo.

Compartimos experiencias, influencias e alicerces. E, q.e.d., dende o romanticismo literario máis clásico de Gabriel ata o academicismo máis técnico de Ana, dende a necesaria interpretación da actualidade de Teresa ata a búsqueda da obxectividade histórica de Eva, todos coincidiron en referentes e inquedanzas comúns.

O público que nos acompañou non so participou abertamente, senon que aportou puntos de vista que nos enriqueceron a todos e souberon poñernos no carreiro adecuado, lembrando que o resultado final de calquera traballo precisa dun público que o consuma.

Non podemos deixar de agradecer nesta crónica o imprescindible traballo de coordinación e organización realizado  no stand adicado, un ano máis, ó cooperativismo.

Anuncios

Coloquio sobre influencias creativas no proceso literario

O próximo día 4 de decembro nós tamén estaremos no Culturgal. Pero non como simples espectadores, deses que andan o domingo ás 18:30 apretados como sardiñas en lata entre os postos. Andaremos no stand do Consello de Cooperativas, como señores, falando sobre influencias literarias, o proceso creativo, a cooperación entre eidos culturais e creadores e todo o que nos dea a cabeza.

Podedes asistir non so para escoitar, se non que podedes participar, comentar e interrumpirnos canto queirades. Nós estaremos encantados de que participemos non so aqueles que nos fixeron o favor de asistir:

  • Eva del Pozo, escritora (Los fantasmas de El Pardo, La fantasma de Meirás).
  • Gabriel Romero de Ávila, escritor (La reina demonio del Río Isis, Nilidiam).
  • Teresa Egerique (concelleira no Concello de Vigo, Deputada Autonómica e coordinadora da Área de Cultura do Comité Executivo Autonómico do PP de Galicia).
  • Ana Castro Antonio (asesora de Innovación Pedagógica en la Universidad de La Salle, autora de diversas obras como “Desarrollo de Aptitudes Psicotécnicas” o “75 Años del Voto Femenino”).

Pretendemos, por medio dun coloquio aberto, descubrir as coincidencias entre os diferentes autores en canto ás influencias recebidas no momento de traballar nos seus respectivos eidos culturais. O peso que teñen o cinema, a televisión, Internet, o comic, etc. no proceso creativo e se este pode considerarse ben como un proceso cooperativo de intelixencias múltiples ou un proceso de enerxía creativa individual enxergado na tradición do autor romántico.

Os tres intervintes son da mesma xeneración pero de diferentes eidos (literatura histórica, literatura fantástica e novas tecnoloxías), polo que as súas aportacións e as súas influencias  ainda que de distintos campos terán alicerces semellantes. Ou non.

Cantos máis participemos, colaboremos e nos  divirtamos, moitísimo mellor. E, se algo sale mal, o responsable será Pablo Morell González, da Editorial Trymar.

hvkwjmn

Non sabemos porqué, nalgún momento, a alguen pareceulle boa idea incluir esta imaxe como imaxe oficial do evento.

Premios e feiras

Cando vai acabando o ano chegan os premios e feiras culturais. Para empezar a Feira por excelencia, o Culturgal. Xa hai programa definitivo e nós repetímolo, sen moito convencemento, pero coa satisfación do deber cumprido. Non seremos nós quen de desaconsellar que se visite esta feira, pero, para facelo coa conciencia tranquila, o noso consello é para aqueles que teñan pensado ir o venres ou o sábado ou o domingo pola mañá, cando ainda se poida andar facendo uso dos brazos, detalle que ós bípedos soemos esquecer ata que temos problemas para exercelo, como tantas outras cousas.

E unha vez dado o recado, pasamos a destacar que os premios dos editores galegos (a Noite da Edición), dos escritores (Gala das Letras) e libreiros (Irmandade do Libro) pasan a ser todos un (Gala do Libro Galego). Eu lamento que se perda un evento cun nome de tanto glamour como “Noite da Edición”, que neste aspecto dáballe cen voltas ós outros, todo hai que dicilo. Pero benvido sexa o que veña, se é para ben.

O feito de que o único que una a estes tres gremios sexa o caracter mercantil do libro non é un bo comenzo, dende logo. As categorías (ensaio, narrativa, infantil e xuvenil, libro ilustrado, iniciativa bibliográfica, tradución, poesía, teatro, iniciativa cultural ou fomento da lectura, proxecto literario na rede, xornalismo cultural, escritor galego universal e premio honorífico á libraría e á editora) son as lóxicas agás o feito de que á librería e á editorial sexan “honoríficos”. Supoñemos que isto terá a súa lóxica, e que probablemente preferiremos non coñecela.

En calquera caso, os nosos azos a esta senlleira iniciativa dun campo económico que non anda nos seus mellores tempos. Esperemos que dure máis anos que a crise.

O Culturgal

Esta fin de semana ven o Culturgal, como sempre, no Pazo de Congresos de Pontevedra e, como sempre, cita ineludible. Alí podes atopar aquel producto que o resto do ano é complicado de adquirir. Mesmo vaise proxectar A Esmorga, co que xa non terás que baixala do internet. Pouco podemos engadir a un cada vez máis apretado programa. Cada ano vanse sumando iniciativas, cada cal máis interesante que a anterior, ou polo menos iso parece, porque non somos moito destas cousas. Nós somos máis de pasear tranquilos e Culturgal non é para iso. Cada vez semella máis unha feira de gando ou un centro comercial ou Baiona nunha noite de verano. Vamos, que está petado de xente e como non vaias a tiro fixo a cousa non é moi doada de levar.

Certo que un pode ver a Xurxo Souto comentar a exposición sobre o Bravú, o que é un luxo dos gordos (e non é un comentario malicioso) ou escoitar unha charla de Francisco Castro, María Xosé Queizán e Manuel Núñez, unha mesa redonda cos creadores de Botafumeiro ou unha chea de presentacións de libros infantís ou discos. Pero mellor será informarse antes e ir ao que interesa. En caso contrario o noso consello é acudir preferentemente un día pola mañán e se é o sábado, mellor, que haberá menos xente aínda. E posto que xa estamos tirando consellos que os regalamos, non aproveiten para acudir aos espectáculos musicais, eses sempre están abarrotados. Nós este ano temos o firme propósito de tentar achegarnos ao bar, que as charlas e presentacións non soen estar moi cheas, pero ao bar nunca fomos quen de chegar .67283_162647657100869_100000669087859_360802_1807711_n

Para a fin de semana

De todo o que vai pasar no Culturgal que comeza hoxe e dura ata o domingo recomendamos que aproveiten a visita para mercar a revista Luzes, dirixida por Rivas e Pereiro, e visitalo “asesoramento espontáneo” da empresa de comunicación Ganapán. Ou mesmo poden aproveitar para atopar facilmente ese libro do que tanto ouviron falar e que non atopaban en ningures.

Nós pasearemos por alí e deixaremos os cartos en chafalladas, que para algo é unha feira.

MICAtlántica e Culturgal

Hoxe é o último día no que poderemos acudir á Cidadeda Cultura para coñecer MICAtlántica, a feira cultural organizada por la Consellería de Cultura e a Secretaría de Cultura de Arxentina para pór en contacto a empresarios e traballadores do sector cultural arxentinos, españois e portugueses. Exposicións, proxeccións e concertos facilitan o contacto entre profesionais do sector, ao dar unha oportunidade de coñecemento do traballo desenvolvido a ambos lados do Atlántico.

Do 27 ao 29 ainda se poderán disfrutar de espectáculos musicais e teatrais en diferentes lugares de Compostela,  a pesar de que a clausura da feira sexa hoxe. O último día poderedes pasar por Pontevedra onde comenza Culturgal, a feira das industrias culturais galegas que se celebra no Pazo da Cultura da capital. Este ano, ademáis da ampla variedade de actividades asistirá o Consello Galego de Cooperativas amparando ás cooperativas culturais que queran participar.

Aos que non poidades acudir recomendamos unha visita por ambas webs para facerse unha idea do traballo que se realiza en Galicia no ámbito cultural. É moi ilustrativo para entender porqué a cultura xenera máis Producto Interior Bruto no Estado que o sector enerxético ou que a agricultura, a pesar das diferencias evidentes en canto ás axudas recibidas.