Tag Archive | presentacións

Editar en Galicia

Debo recoñecer que antes de escribir isto que espero que lean dediquei un bo rato a pensar o título axeitado. Non quixera dar a impresión de que é duas cousas: primeiro, unha explicación do traballo de editor. Despois de máis de quince anos facéndoo non son quen de explicalo. Tíñao máis claro cando empecei que agora, o que significa que se me pasou o arroz, creo. Outra cousa que non vai ser este post é unha queixa, nin superficial nin fonda, da situación do sector. Para nós a cousa nunca estivo ben, así que non nos podemos queixar hoxe máis que onte. Unha vez que temos claro o que non quere ser este post, imos con el. E o que sexa finalmente, mellor que o decidan vostedes a que o diga eu.

Non é ningún secreto que os editores galegos, como colectivo, non están satisfeitos coa política cultural da Xunta de Galicia, particularmente co referente á promoción e apoio ó libro. Xa non se trata de que axudas directas ó libro estean a desaparecer a unha velocidade que impide a adaptación a novos modelos productivos. Ou que directamente se ignoren as necesidades específicas deste campo. Noutras comunidades existe un apoio certo, máis ou menos efectivo, pero é indubidable que son a expresión dun compromiso das Administracións co eido cultural, que non deixa de ser un campo económico.

En Galicia, do mesmo xeito que no resto do Estado, existe unha confrontación aberta cos creadores e coa industria cultural. E non se pode alegar que se trata de cuestións económicas, posto que non hai tanto que a Xunta de Galicia, tamén co Partido Popular dirixíndoa, facía gala das súas empresas culturais, apoiándoas abertamente, con maior ou menor fortuna, pero cunha aberta intención de apoiala.

Contrasta ista política coa actual, cando observamos que ás feiras internacionais, fóra de invitar ás empresas, invítase directamente a autores, e sen aviso previo ós seus editores; cando todo o que se ofrece é a oportunidade de expor novedades nun stand para logo doar estes libros ás bibliotecas das Casas de Galicia; cando se aproveita a presencia da literatura galega nas feiras para falar de Camilo José Cela e non daqueles outros outros que, tendo pasado case toda a súa vida neses países, deixaron maior pegada da súa terra e da cultura que se supón debe defendela Xunta.

O certo é que a Administración galega vive de costas ás súas empresas, que son as crean valor, traballo e as que poñen enriba da mesa o seu risco económico e persoal para sacar diante esa cousa estrana e cada vez máis escasa coñecida como “libro galego”. Nada varía a nosa situación persoal, logo. Tampoco pretendemos que varíe. É so que hoxe nos deu por nos laiar de tanta publicidade institucional e insustancial.

 

Presentación de Uxía coñece á súa tía

O pasado día 7 de maio presentamos na Casa del Libro o título “Uxía coñece á súa tía”, de Pablo Morell. Acudiu Ana María Castro Antonio, por parte da editorial, Eva del Pozo, escritora, e o mesmo Pablo Morell. Tivemos ocasión de descubrir o proxecto editorial que se agocha tras Uxía, de recompilación de anécdotas e vivencias de nenas e nenos galegos como medio de atraelos á lectura nunha idade de transición entre a nenez e a madurez intelectual.

uxiaPola súa banda Eva del Pozo entrevistou ó autor para achegarnos os detalles relativos á obra. Os debuxos, o proceso de elaboración, a inspiración das personaxes e situacións, deron pe á participación do público, que se animou rapidamente a opinar e preguntar abertamente sobre o libro, dende os adultos ata as nenas presentes.

En definitiva foi un acto agradable, ameno e cheo de anécdotas cos que puidemos achegarnos ó recén nacido universo de Uxía.

11255327_984558118243730_5094204778051729428_n CEbDRrQWMAAeVHZAs fotos son dos facebook persoais de Manuel López Bóveda e de César Jiménez.

O Culturgal

Esta fin de semana ven o Culturgal, como sempre, no Pazo de Congresos de Pontevedra e, como sempre, cita ineludible. Alí podes atopar aquel producto que o resto do ano é complicado de adquirir. Mesmo vaise proxectar A Esmorga, co que xa non terás que baixala do internet. Pouco podemos engadir a un cada vez máis apretado programa. Cada ano vanse sumando iniciativas, cada cal máis interesante que a anterior, ou polo menos iso parece, porque non somos moito destas cousas. Nós somos máis de pasear tranquilos e Culturgal non é para iso. Cada vez semella máis unha feira de gando ou un centro comercial ou Baiona nunha noite de verano. Vamos, que está petado de xente e como non vaias a tiro fixo a cousa non é moi doada de levar.

Certo que un pode ver a Xurxo Souto comentar a exposición sobre o Bravú, o que é un luxo dos gordos (e non é un comentario malicioso) ou escoitar unha charla de Francisco Castro, María Xosé Queizán e Manuel Núñez, unha mesa redonda cos creadores de Botafumeiro ou unha chea de presentacións de libros infantís ou discos. Pero mellor será informarse antes e ir ao que interesa. En caso contrario o noso consello é acudir preferentemente un día pola mañán e se é o sábado, mellor, que haberá menos xente aínda. E posto que xa estamos tirando consellos que os regalamos, non aproveiten para acudir aos espectáculos musicais, eses sempre están abarrotados. Nós este ano temos o firme propósito de tentar achegarnos ao bar, que as charlas e presentacións non soen estar moi cheas, pero ao bar nunca fomos quen de chegar .67283_162647657100869_100000669087859_360802_1807711_n

Feira do libro antigo

Na EDITORIAL TRYMAR somos moi de libro vello. Cada día estamos máis lonxe das primeiras e pomposas edicións e máis preto das de Anagrama, RTVE, Destino, Caralt ou Alianza, que caben nos petos dos abrigos os días de choiva e nos pantalóns curtos nos de praia, que teñen as follas caídas, amarelas, suliñadas e alentadas.

Non recorremos as casetas buscando un incunable, senon a terceira parte do Club Pickwick ou ese título de Guillermo que parece pedir osíxeno no fondo do caixón, o clásico que sempre estamos pensando en ler e nunca temos tempo de buscalo ou aquel outro que prestamos e que non nos devolveron e no que pensamos ás noites como no irmán que marchou a Alemaña.

Feira do libro vello e de ocasión volve co mate discreto dun feixe de días calurosos, sen sinaturas brillantes porque ninguén quere asinar un libro xa vendido e comprado, lido e prestado. So temos ata o día cinco de agosto, sen concertos nin presentacións, so libros vellos esperando que alguén os lea.

Sete caveiras

Elena Gallego Abad acadou a poularidade grazas á saga de espada e bruxería Dragal, pero evidentemente, é unha autora cun recorrido bastante máis amplo. Mostra disto é a novela Sete Caveiras, que vai ser presentada o vindeiro 7 de febreiro na Casa do Libro de Vigo ás 20:00 horas xunto a César Jiménez, experto en comunicación corporativa.

Pasaia Blues

O próximo venres día 7 vaise presentar na librería Cartabón de Vigo (r/. Urzaiz 1254) a novela Pasaia blues, de Harkaitz Cano e traducido ao galego por Isaac Xubín. Pasaia blues é unha novela negra ambientada nesta peculiar localidade vasca. Pasaia é unha prolongación industrializada de Donostia, chegando o caso de que comparten rúas, pero cunha entidade propia inegable. Desenvolveuse ao redor de dúas localidades situadas unha fronte á outra na ría de Pasaia e converteuse no terceiro porto máis importante de Euskadi cunha poboación eminentemente obreira e cun marcado sentimento de clase que lle levou mesmo a ser mirado con desconfianza polo nacionalismo vasco a principios de século, durante o seu crecemento inicial. A novela editouse por primeira vez en euskera no ano 1999 e xa foi traducida ao castelán e ao alemán.

Harkaitz Cano é un autor novo (na medida na que os autores son novos) cunha importante proxección, as súas obras están marcadas polo realismo e a violencia dosificada pero non adulterada e cun trasfondo político e social que le aportan vitalidade e proximidade á narración. Isaac Xubín ganou o ano 2012 o premio da Asociación Galega de Editores á mellor traducción polo seu traballo na obra Alén da fronteira. Sete poetas vascos.

Hugin e Mugin é unha editorial independente especializada na traducción ao galego.